Tak Skietaktiwiteite
Die tak se skiet-aktiwiteite vind soos per die tak-kalender op die Koos Kruger skietbaan plaas. Besoekers is baie welkom!
Skietoefeninge en/- of kompetisies begin om 08:00. Skietoefeninge beloop R50 per persoon.
Haelgeweer skietoefeninge se kostes hang van die tipe oefening wat geskiet word af en sal aan die lede gekommunikeer word.
Skiet-kompetisies verskil ook van gewone skiet-aktiwiteite en sal aan lede gekommunikeer word. Verwys na Houtkapper tak se Skiettabel vir 2022 vir inligting oor watter tabelle wanneer aangebied word.
Let asseblief daarop dat gehoor en oog beskerming verpligtend is en dat vuurwapens ten alle tye in ‘n geweersak of tas na die baan gebring moet word. Wapens mag slegs op die skietpunt op bevel van die baanoffisier uit sakke of tasse verwyder word.
Skietmatte is opsioneel. Bring gerus kampstoele en 'n Gazebo saam vir u eie gemak. Warm baadjies word aanbeveel aangesien die weer vinnig kan verander.
Op gewone takskiet dae is lede verantwoordelik vir hul eie verversings. Tydens kompetisies word borge toegelaat om verversings te verkoop.
Ons poog om na elke skiet ‘n bring en braai te hou waar die braaiers en vure/kole voorsien sal word. Geen alkoholiese verversings sal voor of tydens skiet toegelaat word nie.
Vir enige navra kontak gerus enige van die volgende persone:
Skietkoördineerder - Wimpie Brits
Voorsitter - Wimpie Brits
Ondervoorsitter - Johan Janse van Vuuren
Aanwysings na Koos Kruger skietbaan
